Allora chì i puliticanti francesi ùn provanu mancu à spenghje u focu accesu da i risultati di Marine Le Pen (guasi sette milioni di voti), allora chì a manca s’annega poc’à pocu, è chì a dritta hè malata è scumpertuta, u tredeci di dicembre scorsu dui isulotti anu decisu di piglià una strada sfarente. Duie isule anu sceltu l’uzzione “naziunalista” ma aversamente à i Corsi, ùn hè micca a prima volta chì i martinicani eleghjenu à Alfred MarieèJeanne, pè direge.
À 79 anni, u capimachja storicu di u partitu indipendentistu MIM hè diventatu un persunagiu miticu di a storia di a Martinica muderna. Face parte di a vita pulitica di l’isula dapoi 40 anni. Hè prima statu mere di Rivière Pilote, a cità induv’ellu hè ingrandatu, nanzu d’esse diputatu in u 1997 è presidente di a regione in u 1998. Indipendentistu accanitu sin’à l’anni 90, hà capitu chì pè fà sentesi da Parigi è pè pudè purtà e so rivindicazione avia da scambià un pocu u so discorsu. Pè certi hè l’umone di a Martinica, l’omu di u populu pè l’altri un paradossu, è ancu certe volte un scruccone.
À 79 anni, u capimachja storicu di u partitu indipendentistu MIM hè diventatu un persunagiu miticu di a storia di a Martinica muderna. Face parte di a vita pulitica di l’isula dapoi 40 anni. Hè prima statu mere di Rivière Pilote, a cità induv’ellu hè ingrandatu, nanzu d’esse diputatu in u 1997 è presidente di a regione in u 1998. Indipendentistu accanitu sin’à l’anni 90, hà capitu chì pè fà sentesi da Parigi è pè pudè purtà e so rivindicazione avia da scambià un pocu u so discorsu. Pè certi hè l’umone di a Martinica, l’omu di u populu pè l’altri un paradossu, è ancu certe volte un scruccone.
Ci vole à dì ch’ùn face veramente nunda cum’è l’altri. Pè i scutini di u sei è u tredeci di dicembre scorsi hà fattu s’addunisce i soi cù i “Républicains”. Una manera di ritruvà i futtogli di l’assemblea ch’ellu avia lasciatu in u 2010. Ciò chì hà stunatu parechji Martinicani.
Daretu à u persunnagiu d’Alfred Marie-Jeanne, chì hà fattu u so partitu pè fà avanzà a causa di una Martinica libera è autunoma ? U scopu di sta ghjente hè sempre statu di gualagnà pocu à pocu di più pudere instituziunale pè l’isula. À stu nivellu l’affari sò sempre à u listessu puntu, una cullettività unica serà messa in piazza da quì à pocu cum’è in Corsica.
Certi affari sò stati pusitivi durante a mandatura di i naziunalisti martinicani. U prughjettu “Martinique” per esempiu, chì s’assumiglia appena à u nostru PADDUC hè statu messu in piazza in u 2004 allora chì Alfred Marie-Jeanne era u presidente di l’assemblea. Pè rilancià l’ecunumia, nettà a terra malata di i prudutti spartuti ind’è l’anni ottanta, tuttu ciò chì Parigi ùn avia mai riesciutu o vulsutu fà. Ma l’affare hè longu è cumplicatu… A Francia ùn cappia nunda è i mezi sò pochi.
A vittoria eletturale ùn basta micca per scambià un sistema messu in ballu più di duie cent’anni fà ! U sonniu hè bellu, ancu magnificu ma a realità hè più difficiule à accittà.
Un passu hè statu francatu ma ch’ella sia pè a Martinica o pè a Corsica u caminu serà longu…
A vittoria eletturale ùn basta micca per scambià un sistema messu in ballu più di duie cent’anni fà ! U sonniu hè bellu, ancu magnificu ma a realità hè più difficiule à accittà.
Un passu hè statu francatu ma ch’ella sia pè a Martinica o pè a Corsica u caminu serà longu…
A Corsica dice à vedeci à Edmond
